abs-da-neyrointerfeysli-bionik-ayaq-protezi-yaradilib-video
Müəllif: Publisist.az /Tarix: 2024-07-03 /Oxunma Sayı: 95

ABŞ-da neyrointerfeysli bionik ayaq protezi yaradılıb (VİDEO)

Massaçusets Texnologiya Institutunun tədqiqatçıları pasientlər ilə birlikdə bionik ayaq biləyi protezini yaradıb və test ediblər. Sözügedən protez ayaq biləyinə sahib olmayan şəxsin yerdə qalan ayaq hissəsindəki əzələ daralması ilə bağlı siqnallarını qəbul edərək ayaq biləyinin çalışma alqoritmini tənzimləyir. Beləliklə ayaq biləyinə sahib olmayan şəxs bu protez vasitəsilə rahatlıqla hərəkət edə bilir. Mütəxəssislər bildiriblər ki, sözügedən protez vasitəsilə istifadəçi hətta rəqs belə edə bilər. Bədən hissələrindən hər hansınınsa amputasiyası amputasiya edilmiş hissənin çalışmasında iştirak etmiş sinir birləşmələri ilə əzələləri parçalayır. Bu əzələlər konkret hərəkətlərdən cavabdeh olan aqonistlərə və əks hərəkətləri yerinə yetirən antoqonistlərə ayrılırlar.
     Massaçusets Texnologiya Institutunun mütəxəssisləri güman ediblər ki, məlumatların antoqonist əzələlərdən əldə edilməsi halında aqonistlərin amputasiyası sinir siqnalının bərpasına və protezin siqnala reaksiyasına mane olmayacaq. Bədən hissəsinin amputasiyası zamanı xüsusi tibbi müdaxilənin sayəsində antoqonist əzələlərdə neyrointerfeys yaradılır. Yaradılan neyrointerfeys öz növbəsində antoqonist əzələlərin daralması impulslarının qəbulu üçün nəzərdə tutulub. Daha sonra bu siqnallar ayaq biləyi protezi tərəfindən qəbul edilir. Antoqonist əzələlərdən qəbul edilmiş siqnallar deşifrələnərək protezin bilək hissəsindəki motorlara ötürülür. Bu isə şəxsin hərəkətini daha təbii hala salır. Massaçusets Texnologiya Institutunda düşünürlər ki, sözügedən protezin kommersiya məqsədli versiyası 5 ildən sonra hazır olacaq. 
 

Paylaş:

  1. Publisist.az saytı müəllifin subyektiv təxəyyülü fonunda cəmiyyətin aktual problemlərinə toxunur