10 mart - Milli Teatr günü

Əziz tamaşaçım!

Bu gün mənim 149 yaşım tamam olur.1873- cü ildə maarifpərvər ziyalıların olmazın əziyyətləri bahasına yarandım.İlk günümdən cəhalətin zülmətində nur kimi saçdım.Əvvəllər güldürə-güldürə,sonralar ağlada ağlada cəmiyyət həyatına işıq tutdum.Əvvəl məbəd dedilər,sonra məktəbə çevirdilər,bir ara güzgü sandılar,böyüdücü şüşə,barometr,əyləncə vasitəsi,ideoloji silah,müalicə metodu,biznes...min cür ayama qoşdular.Zaman ötdükcə enişli -yoxuşlu yollardan keçdim, gah büdrədim,gah yıxıldım... amma məhv olmadım,yeniləndim,əbamı dəyişdim. Dəyişməyən bircə şey oldu - Sən. 149 il qabaqda sənsiz yaşaya bilmirdim, bu gün də. Çünki teatr sən özünsən.Teatr insandır.Teatr tamaşaçıdır. Ona görə də mənim bayramım elə sənin də bayramındır.Bayramınız mübarək!

Sevgiylə,

Sənin milli teatrın.